[原创] Youz Dwegcuengh Si Baekhaij [3]
<p><font face="Times New Roman" color="#0909f7" size="5"> Youz Dwegcuengh Si Baekhaij </font></p><p><font face="Times New Roman" color="#0909f7" size="5"> Bae daengz henz haij roengz ci ,couh yawj raen aen daemz hung gvangq ndeu yiet hoi youq baih naj , aen daemz hung mbiengj baih haenx caeuq mbwn dox swnjdam , rumz haij ci hawj naj vunz seuq satsat , raemx langh bub hamq , sing ruxlala mbouj dingz , giz neix couh dwg Baekhaij hamq haij -Yinzdanh !</font></p><p><font face="Times New Roman" color="#0909f7" size="5"> Youq ngeih cib ngeih bi gonq ,couh dwg bi 1986 ,gou couh caeuq hauj lai hauxseng youq ngoenz naengh ci daeuj neix youz langh gvaq ,mwh haenx youq Yinzdanh cawz liux aen mbanj [ Sa gyaeujguk ] le , couh mbouj miz gij maz ranz lo , hamq haij sa hau supsup ,ndongq myanmyan , daj gyae yawj caen dwg lumj anj ngaenz hau ndeu ne , raemx haij caemh dwg seu satsat ,cingx dikdik lumj raemx mboq Lingzsij ne ! seiz hwngq daj haet daengz haemh ngoenz ngoenz cungj miz vunz cien vunz fanh youq giz neix angq raemx angq haij ! Hoeng seiz neix , henz haij ranz louz bu muenx henz haij , sa hau mbouj raen lo , cij miz sa henj ndaem lo , raemx seuqcing mbouj raen lo , henz haij gij raemx langh haemz ndaem haemz ndaem , roengz bae angq raemx gij angqheiq mbouj miz lo ,yamq roengz raemx bae ,aen ndang hwnj haenz hwnj rwd , Daengxbiengz daih it dan Yinzdanh bienq lo ! Vunz daeuj angq raemx angq haij caemh gig noix lo ,henz haij fwz meumeu ! Yiengh gingj neix Caen hawj gou doek saet raixcaix ! </font></p><p><font face="Times New Roman" color="#0909f7" size="5"> Diegcuengh aen caw ndongq myanmyan haenx doiq saek bienq baenz ndaem henj yak yawj le , lij dij gij maz ne ? Si Baekhaij - Yinzdanh bienq haeu le , Baekhaij lijyouz hongnieb souhaeuj diuz caizfouq neix couh yaek gat caw lo ! </font></p><p><font face="Times New Roman" color="#0909f7" size="5"> Vih maz youq gwnz ci diet loh caeuq gou caemh ci daeuj langh gyoengq vunz gig noix , dangx aen ci hek mbouj rim bak vunz , seizneix gou rox dwg vih gij maz lo ! </font></p><p><font face="Times New Roman" color="#0909f7" size="5"> Gou ndij henz haij byaijbyaij , raemx haij liz hamq sam seiq cib mij gyae dox bae , raemx haij lij loq cing ,gou giet dingh naengh huz ok haij ,bae ndaw haij laeg bae riuz raemx angq raemx ! </font></p><p><font face="Times New Roman" color="#0909f7" size="5"> Yiengh neix gou couh youq henz hamq co aen huz dengx ndeu ok haij bae langh angq ! </font></p><p><font face="Times New Roman" color="#0909f7" size="5"> </font></p>
页:
[1]