[原创]Muengh Gak Boux Beixnuengx Bang Gaij[僚人家园]——壮族、布依族、岱侬族共同论坛『SAM NYIED SAM 三月三杂志』

dahgyaez 发表于 2007-8-23 22:28:00

[原创]Muengh Gak Boux Beixnuengx Bang Gaij

DUZMOU CAEUQ DUZMA  Gaxgonq, miz ranz vunz he, ciengx duzmou ndeu caeuq duzma ndeu. Song duz neix cungj gwn ngaiz, ngoenz gwn sam seiq duenq, bieng haeux raixcaix.Bouxcawj raen song duz neix gwn liux ninz, ninz liux gwn, mbouj rox ganqranz guhhong saek di, sim siengj：“Baenzneix roengzbae, geijlai haeux gaeuq gwn ha? Gou aeu siengj banhfap cij ndaej.”Ngoenzlaeng, bouxcawj heuh song duz neix daeuj daengz doiqnaj, naeuz:“Song boux sou dingq gou naeuz, gou miz mbareih ndeu caengz guh ndei, sou bae coengh gou guh ba. Gou baen baenz song faenh, sou guh boux faenh. Hawj sou sam ngoenz seizgan. Bouxlawz guh liux gonq, guh ndaej ndei, gou couh hawj de gwn ngaiz; bouxlawz guh mbouj liux roxnaeuz mbouj ndei, cix gwn mok.”Ngoenz daih’it, duzmou haet romhriri cix bae guh reih. De aeu ndaeng bae ngud, hanh doek ndaeng lwed hix mbouj dingh. Duzma cix ninz daengz daengngoenz cingq le, cij daengz henz reih, banh bae banh dauq mbouj guh reih. Ngoenz daihngeih hix dwg yienghneix. Duzmou haenqrengz guh mbouj dingz, hanh lae baenz yagfwn. Duzma bae daengz henz gyawj duzmou, riu’nyumnyum naeuz:“Mou ha, dingh yietnaiq yaep ndeu vei, mwngz hanh dumz ndang liux lo.”Duzmou mbouj dajleix duzma, ngaemj gyaeuj guh faenh de, sim siengj:“Hawj mwngz youq soeng! Song ngoenz dem mwngz cix miz maet haeuj ndang lo. Faenh ngaiz neix onj dwg faenh gou la, mwngz caj gwn mok ba.”Duzma raen duzmou mbouj leix de, gag cienh henz reih songsam hop cix bae ranz ninz. Ngoenz daihsam, duzmou guh reih liux la, guh ndaej bingzrwdrwd, ndeiaetaet. De sim angqyoekyoek bae ranz, caemx ndang seuqsek, ninz caj ngoenzlaeng bouxcawj bae yawj. Duzma mbouj vueng mbouj muengz, hix youq ranz ninz, fangzhwnz ndaej gwn ngaiz le gag riuhaha. Hoeng, Daengz gyang hwnz ronghndwen hwnjdaeuj ronghsag le, de cix saetsaet diuqdiuq bae daengz mbareih duzmou guh ndei haenx buet bae buet dauq. Ranz yaek rongh de cij dauqma, ndang lij gyuekgyek ne.Ngoenz daihseiq, Bouxcawj naeuz:“Sam ngoenz seizgan gvaqbae lo, sou bouxlawz guh liux gvaq ha?” Duzmou angq yoekyoek buet bae daengz doiqnaj bouxcawj naeuz:“Gou guh liux lo, gij reih gou youh bingz youh ndei, couh caj mwngz bouxcawj bae yawj lo.”Duzma hix byaij daengz doiqnaj bouxcawj, yawjyawj duzmou naeuz: “Cawj ha! mwngz gaej hwnjdangq bw. Duzmou ngoenzngoenz bae henz reih ninz youq, mbareih de lij rum lumj gyaeuh ne. Gou haenqrengz guh mbouj dingh, hanh doek caek lumj raemxfwn nei, de youq henz ninz gyoenfofo. Haemhlwenz gou guh daengz ronghndwen doek congh cij liux, ngamq dauqma bw. Mwngz yawj ndang gou, lij uq namh ne.” Duzmou dingq le, riuhaha naeuz:“Byawz rox mwngz dwg mbouj dwg bae caeuq duz mameh lawz guhcaemz ndang uq ha?Cawj ha!Mwngz yawj bak ndaeng gou. Gou ngoenzngoenz aeu bak ngud, ngud dwk bak foeg ndaeng mbwnj bae. Ngoenzlwenz ngamq guh liux dauq ranz caemx ndang yietnaiq, caj mwngz ngoenzneix bae yawj ne.” Duzma dingq le angqndaw naeuz:“ndei ha！Yienghneix raeuz caeuq bouxcawj bae reih yawj, dauqdaej dwg bouxlawz guh ndei ba.” Gangj sat le, couh guhdoih bae reih lo. Byaij bae daengz dingzloh yawj raen mbareih seiz, duzmou raen mbiengj reih duzma lij rum lumj gyaeuh neix, Sim siengj:“Gou dauq yawjyawj duzma neix baenzlawz gyau hong? Faenh ngaiz neix dwg faenh gou dingh lo.”Duzmou yiet siengj sim yiet angq. Daengz henz reih le, duzmou raen mbiengj reih de guh ndei haenx cungj dwg rizdin duzma, duzmou muengz lo. Gvaq yaep he, de dingq nyi duzma doiq bouxcawj naeuz:“Mwngz yawj, gou guh hab mbouj hab hoz mwngz?”Bouxcawj raen mbareih neix youh bingz youh ndei, ngaek gyaeuj datdat. Duzmou raen duzma gangj vah gyaj, aeu faenh goenglauz de bae guh faenh ndanggaeuq, muengz naeuz:“Mbareih neix dwg gou guh. Mbiengj nya nyoeknyoek haenx cij dwg faenh duzma. Duzma gangj vahgyaj. Mingzmingz dwg gou guh ndei! Cawj ha, mwngz gaej saenq de.”Duzma hix mbouj hozndat, lij riu’nyumnyum naeuz:“Gou dwg yungh seiq din daeuj vat,mwngz yungh bak bae ngud, mwngz yawjyawj gizlawz miz riz mwngz? Hawj bouxcawj bingz yawj, dauqdaej dwg bouxlawz guh.”Duzmou dingq le ndatheiq dwk vah gangj mbouj ok. Bouxcawj raen duzmou mbouj ok sing, ngeixnaeuz dwg duzmou gangj vah gyaj, hoz ndat baenz feiz, hat duzmou naeuz:“mwngz caen gik, hong mbouj guh, lij gangj vah gyaj! Seizneix doxbae, mwngz gwn mok ba, duzma gwn ngaiz.”Duzma dingq le, angq lumj boux ndaej gim nei. Duzmou yienvuengj lai lo, raemxda doekswsw.<span lang="EN-US" style="FONT-SIZE: 14pt; FONT-FAMILY: "Times New Roman"; mso-font-kerning: 8.0pt; mso-fareast-font-family: 宋体; mso-ansi-language: EN-US; mso-fareast-language: ZH-CN; mso-bidi-language: AR-SA;">Daj seiz haenx daeuj, duzmou cix deng gwn mok, duzma cix ndaej gwn ngaiz.

bohyae 发表于 2007-8-25 10:39:00

Raez lai,mbouj miz geijlai boux beixnuengx yawj rox Sawcuengh.Gou goj yawj dwk da manh bae.Hoeng,hix mbouj rox baenzlawz gaij.Mboujgvaq,diuz goj neix gig gvaqyinx,danghnaeuz aeu Sawgun daeuj sij,couh mbouj gvaqyinx baenzneix bw.Gakboux beixnuengx,sou naeuz ne?

AAAAAAAyingj 发表于 2007-8-25 13:15:00

mbareih?Ngoenz daih’it, duzmou haet romhriri cix bae guh reih?Ngoenz daihsam, duzmou guh reih liux la, guh ndaej bingzrwdrwd, ndeiaetaet ? Duzmou neix rox guh reih ? Boux sij mwngz gangjgyaj luba ?

bohyae 发表于 2007-8-25 21:25:00

<div class="msgheader">QUOTE:</div><div class="msgborder">以下是引用AAAAAAAyingj在2007-8-25 13:15:00的发言： mbareih?Ngoenz daih’it, duzmou haet romhriri cix bae guh reih?Ngoenz daihsam, duzmou guh reih liux la, guh ndaej bingzrwdrwd, ndeiaetaet ? Duzmou neix rox guh reih ? Boux sij mwngz gangjgyaj luba ?</div>我觉得该故事用的是红水河土语。mbareih是“一块地”。既然是民间故事，动植物都人格化了，会说话，会干活，很正常。记得小时候在农村，听的故事甚至吃人肉都有。

页: [1]

僚人家园's Archiver

[原创]Muengh Gak Boux Beixnuengx Bang Gaij