Vahbeij(S--Y)壮族谚语集锦（三）
[这个贴子最后由红棉树在 2002/10/27 0109pm 编辑]<br><br>Vahbeij(S--Y)壮族谚语、歇后语集锦（三）<br>V. Faexndukageq <p> S<br>Sajlwt baenq doxbae,<br>Lwgraez baenq doxdauq.<p>Saeyez mbouj ndei vaih hak.<p>Saej humz mbouj rox gaeu.<p>Saetsaet diuqdiuq daengx ndang mbaeu,<br>Mbouj ning mbouj byaij ciengz baenz bingh.<p>Saidoengz youq baihsae, <br>Laemzseiz fwn couh doek;<br>Saidoengz youq baihdoeng,<br>Gyangngoenz cingx ndit ndat.<p>Sam cib duz vaiz miz roek cib gaiq gaeu,<br>Sam cib boux vunz miz sam cib diuz geiqmaeuz.<p>Sam faen ndaem, <br>Caet faen guenj.<p>Sam liengx ndang,<br>Caet liengx bak.<p>Samnyied caux goek,<br>Loegnyied dungx imq.<p>Samnyied mbouj caux goek,<br>Loeg nyied bae lawz aeu.<p>Saw mbouj gvaq raemxmboq,<br>Soh mbouj gvaq lwgnyez.<p>Sawzminz rag yienz saeq,<br>De engq ndaej naih rengx; <br>Gobiek rag baenz benq,<br>Ndit genq mungz couh roengz.<p>Duzmaet yienznaeuz iq,<br>De vanzlij haeb vunz;<br>Duzciengh yienznaeuz hung,<br>Ndoj duznyungz mbouj gvaq.<p>Seizcin beij dwk bwnh,<br>Seizcou lwnh soucingz.<p>Seiz iq gaenx lienh ndang miz rengz,<br>Geq le ndang genq noix baenz bingh.<p>Seizcin mbouj ndaem naz, <br>Seizhah ndaw mbung hoengq.<p>Seiz sou muengh reih lai,<br>Seiz ndai muengh reih noix.<p>Seiq liengx noh gaj duz vaiz. <p>Seiqnyied bat,<br>Raemx naz bonghyatyat.<p>Seiqnyied ndit fwn daeuj,<br>Ndwenlab raeuj fwn daengz. <p>Soengq noh bae coh heng.<p>Soengq noh coh bak ma, <br>Soengq bya haeuj bak meuz. <p>Soengq gyaeuj bae doq ndat.<p>So dag mbouj baenz gumz. <p>Son lwg son mwh saeq,<br>Gip haex aeu hwnj caeux.<p>Song boux doq bouxgvan,<br>Ranz baenzlawz mbouj nyungq.<p>Song faj fwngz roengz namh,<br>Mbouj canh goj doh gwn.<p>Song fwngz caux baenz gim, <br>Song cim mbouj baenz ciuh.<p>Son lwg heuh hoz hawq,<br>Mbouj beij guh hawj yawj.<p>Song sam “dok”(roeg heuh) roengz gyaj,<br>Seiq haj “dok” ndaem naz.<p>Sien gangj laeng mbouj luenh,<br>Sien suenq cog mbouj vueng.<p>Siengj aeu siengj bae gyae,<br>Gaej caenh goq dangqnaj.<p>Siengj aeu vunz roengz raemx, <br>Bonjfaenh sien duet haiz. <p>Siengj daenj naengh hwnz, <br>Siengj gwn hwnq romh;<p>Siengj daenj ndei ninz hwnz, <br>Siengj gwn ndei hwnq romh.<p>Siengj gwn meiq mbouj soemj.<p>Siengj gwn noh ciengx mou,<br>Siengj gwn haeux ndaem naz. <p>Siengj lai uk cix gvai,<br>Yungh lai dungx cix lingz.<p>Sipndangj ok congh,<br>Raemxhongh yaek lae.<p>Sim’angq bak gaen mbaeu,<br>Nyaeknyaeu cib gaen naek.<p>Sim ndei dihloh gvangq,<br>Sim gvangq daengq raen gaeb.<p>Simlai dai vunz, <br>Vah unq hab vunz. <p>Swiq naj gven daengz da,<br>Swiq ga gven gyaeujhoq.<p>Swiq ndang aeu raemx gyoet,<br>Mbouj lau nit caeuq bingh.<p><br> V<br> Va hom rwi daeuj coh,<br> Simsoh baengyoux lai.<br> <br> Va moegmienz hai,<br> Hanz nit mbouj lai.<br> <br> Va rang duzrwi coh,<br> Noh haeu duznengz ciuz. <br> <br> Va rang yinx rwi daeuj, <br> Noh haeu nengznyaen ciuz.<br> <br> Vaiz biz gauq rum oiq, <br> Mou biz gauq raemz soiq.<br> <br> Vaiz dwg coh ndeij (vih) gaeu.<br> <br> Vaiz gaeuj heuj,<br> Vunz ngonz sim.<br> <br> Vaiz geq lau gingcig,<br> Vunz geq lau heuj lig.<br> <br> Vaiz gwn daemz mbouj mboek,<br> Vunz dang hek mbouj gungz.<br> <br> Vaiz laux mbouj rox nengz gaeu,<br> Duzbaeu mbouj rox byaij cingq.<br> <br> Vaiz laux rox soq, <br> Max laux rox loh.<br> <br> Vaizlwg mbouj rox naj guk,<br> Rwz nuk mbouj rox byaj raez. Vaizlwg riengz laeng raeq,<br>Gaeqlwg riengz laeng haen.<p>Vaiz maeuz nywj doek lak,<br>Vunz dam bak doeklaeng.<p>Vaiz mbouj gwn nywj gaej gaemh gaeu,<br>Mou mbouj gwn mok gaej gaemh bak.<p>Vaiz mbouj raen vaiz gaeu daj,<br>Max mbouj raen max naj raez.<p>Vaiz(ndi) rox raeq cix vang raeq,<br>Vunz mbouj rox leix cix vang ganj.<p>Van mbouj gvaq gaiq noh,<br>Soh mbouj gvaq lwgnyez.<p>Vanj ndaw ringj ciengz doxgop,<br>Heuj ndaw bak ciengz doxhaeb.<p>Vat daemz ciengx bya,<br>Caux ndoeng ciengx naz. <p>Ved(raeuz) lumj bya’nouq.<p>Vumzvauz raen mbouj ndaej nditndat,<br>Duzsap raen mbouj ndaej daengngoenz.<p>Vunz aeu son cij gvai<br>Fai aeu coih cij naenh.<p>Vunz bak yak dwgcaengz,<br>Ga mbouj laeng oen cub.<p>Vunz cang red doxbae,<br>Mwngz cang saez doxdauq.<p>Vunz daemjrok baenz baengz,<br>Mwngz cij fong laxsaj;<br>Vunz dwk daemz yaek gvaq,<br>Mwngz cij vax rubsaeng.<p>Vunz dwk daemz yaek gvaq, <br>Mwngz cij ra dieg saeng.<p>Vunzfouq sim yak,<br>Vunzgungz sim soh.<p>Vunz gaenx dieg ok youz,<br>Bouxgik reih hwnj rum.<p>Vunzgaenx lau mbwn laep,<br>Vunzgik haiq mbwn rongh.<p>Vunzgaenx reih ok gim,<br>Bouxgik naz hwnj rum.<p>Vunz gangj mbwn yaek dek,<br>De aeu rek goeb rwz.<p>Vunzgik dawz naek,<br>Bouxcaeg dawz lai.<p>Vunz gik hong mbouj miz gwn,<br>Roeg mbouj ra gwn iek gwnz faex.<p>Vunz gungz mbouj ndaem haeux, <br>Vunz fouq ndi miz ngaiz. <p>Vunz hoj sing saeq, <br>Ma byoem bwn raez.<br>Vunz huk ienq baengzyoux,<br>Boux gvai naeuz bonjfaenh.<p>Vunz lai dumq gyaeuj vaiz mbouj cug.<p>Vunz lau byoengqdaej,<br>Faex lau bok naeng.<p>Vunz lau leix,<br>Ma lau bien,<br>Duznyungz lau hoenzien.<p>Vunz mbouj son mbouj rox,<br>Gyong mbouj roq mbouj yiengj.<p>Vunz ndaej cauh ngaenz,<br>Ngaenz mbouj ndaej cauh vunz.<p>Vunzrwix gyaeu ngoenz ndeu,<br>Vunzbiengz nanh bi ndeu.<p>Vut noh coh bak ma,<br>Vut bya coh bak meuz.<p> Y<br>Yaxmonz laeg lumj haij,<br>Gveijgvaiq lox gvaq mbwn.<p>Yaek aeu gwn daenj ndei,<br>Gaenx gvej haz oemq bwnh.<p>Yaek aeu vunz roengz raemx,<br>Bonjfaenh sien duet haiz.<p>Yaek gwn manh ndaem gieng,<br>Yaek gwn dangz ndaem oij.<p>Yawj faex guh ranz, <br>Yawj hanz dawz rap.<p>Yawj ma haeb yiengz.<p>Yawj rek cawj haeux,<br>Yawj laeux cang dangz.<p>Yawj sau yawj ndwenlab,<br>Yawj mbauq dag faenz rauq.<p>Yawj vunz yawj cihgeij,<br>Beij vunz beij bonjfaenh.<p>Yo gyaeuj hangx ok.<p>Youz bae daeng mbouj rongh.<p>Youz dwk byaek cix unq,<br>Haj dwk dungx cix lauz.<p>Youz mbuq gip lwgraz,<br>Baz dai ndiep yahdaiq.<p>Youq laj congz cuengq fwjyiuh.<p>Youq laj congz bag gyap.<p>Youq ranz baengh ndaw gyok,<br>Ok rog baengh vunzlai.<p>Yied doj yied laeg,<br>Saw cix guh caeg.<p>Yied gungq ndang yied cengx,<br>Yied lengx aek yied raeuj.<p>Yied saw yied doj,<br>Yied doj yied saw.<p>Yiemz dwg maij,<br>Soeng dwg haih,<br>Mbouj guenj mbouj son couh bienq vaih.<p>Yinx doj baihgya,<br>Vunz yawj lumj ma.<p>Yungh cien fanh coenz vah nai vunz <br>Mbouj yawz yungh <br>saedsaeh hengzdoengh bangcoh vunz.<p>Yungh “faexdwngx” moeb vunz,<br>Mbouj yawz yungh dauhleix fug vunz.<p>Yungh seiqlig haep vunz, <br>Mbouj yawz yungh cingz bae gamjdoengh vunz.<p>Yungh vahhaeu vahsoemj gangjbaeh daehhoengz vunz,<br>Mbouj yawz gag haenqrengz guh ndaej mauhgvaq vunz. <p>——————摘自[壮侗语言文化网] : 开启尘封的经典，大家好好学习吧。 Danghnaeuz mbouj miz Sawcuengh, haujlai doxgaiq ndei Bouxcuengh raeuz couh yienghneix saet bae lo, caen hawj vunz simlangx ha . Ngoenzneix gou yawj ndaej raen gij vahbeij neix , gou roxnginh gou gig miz fuk, Bouxcuengh raeuz caemh miz fuk lo.Bohroxdoh youx raeuz!
页:
[1]