Vahbeij(I--R)壮族谚语集锦（二）
[这个贴子最后由红棉树在 2002/10/27 0107pm 编辑]<br><br>壮族谚语、歇后语集锦（二） <br>V. Faexndukageq <br> <br> I<br>Ij aeu vunz roengz raemx,<br>Bonjfaenh sien duet haiz.<p>Ij siengj gwn byaseng,<br>Daih roengzrengz cij ndaej.<p>Iek maz ndi gwn haeuxceh<br>Hoj maz ndi gai buh vaq<p>Iek mbouj gwn haeuxgyaj,<br>Ngah mbouj gaj gaeqmeh.<p>Iek mbouj gwn haeuxceh,<br>Ngah mbouj gwn gaeqmeh.<p>Ing faex hung gwn raet,<br>Haet ndaej gwn haemh ndwi.<p>It raen cat,<br>Bak raen ngeiz.<p> L<br>Lajeiq oemq haeuxdaeq,<br>Dek baenz bauq ranz saeq.<p>Lajmbwn cien fanh loh,<br>Miz diuz soh diuz gaeuz.<p>Lah bo cuengq yiengz.<p>Laebcin naengh fwn doek,<br>Aemq gyaep daengz cingmingz.<p>Laeuj aeu noix ndoet,<br>Saeh aeu lai guh.<p>Laeuj dingh boh,<br>Noh dingh beix.<p>Laeuj ndei mbouj yungh gwn lai cenj,<br>Vah ndei mbouj yungh gangj lai coenz.<p>Laeuj siu gvenq rox nyaemq(cimz),<br>Vunz youq gvenq rox sim.<p>Lai caengz fa cix raeuj,<br>Lai bouxgyawj cix ndei.<p>Lai lwng lai aen bak,<br>Lai rek lai faenh haz.<p>Lanh dwk lanh doj,<br>Mbouj dai goj hoj.<p>Lau baenz duzlinh,<br>Linj baenz duznanx.<p>Lau ngwz yaeng bin faex,<br>Bin faex dauq bungx ngwz.<p>Lauxsaed lumj moegyawz.<p>Lauxsaed miz vunz gyaez,<br>Rox leix miz vunz maij.<p>Lauxsaed ndei cod ciuh,<br>Gangj gyaj liux seiq vunz.<p>Lij iq caeg cim, <br>Hung le caeg gim. <p>Lij iq mbouj hag,<br>Hung le cix ienq.<p>Lieg(genj) gyaeq gyang rongz.<p>Liemz raeh cix vuet gaeu,<br>Gaej bae ngaeu haz oiq.<p>Liengh dungx guh ngaiz, <br>Liengh ndang caiz buh.<p>Linx gaeq caemh dwg noh,<br>Gyaeujhoq caemh dwg ga.<p>Loh youq gwnz bak,<br>Mak youq gwnz go.<p>Loegnyied lwg lau ngaiz,<br>Seiqnyied vaiz lau nywj.<p>Loeng roen lij rox dauq,<br>Loeng coenz hauq nanz sou.<p>498.Lom mou haeuj rongz<p>Lwg biek doxlawh guh meh,<br>Bouxvunz doxlawh dang seiq.<p>Lwgfwngz mbouj doxnep,<br>Cim hix geb ndaej maenh.<p>Lwg gonq ndaej baengz,<br>Lwg laeng ndaej vaj.<p>Lwg laeng gwn sam donq,<br>Lwg gonq caengz raen ngaiz.<p>Lwg loek cix he, <br>Lwg boek nanz rex.<p>Lwg maet dingj mbouj ndaej fan denz,<br>Roegdaebreih dingj mbouj ndaej mbwn.<p>Lwg mbouj son mbouj baenz vunz,<br>Naz mbouj guenj mbouj ndaej sou.<p>Lwgminz ndi ndaem reih,<br>Vuengzdaeq haeb goenq nduk.<p>Lwgnyez maij gyaeq,<br>Bouxsaeq maij ngaenz.<p>Lwgnyez mbouj lau nit,<br>Duzbit mbouj lau fwn.<p>Lwgnyez mbouj lau nit,<br>Loegcib mbouj lau dai.<p>Lwgraez doengz daj baenq.<p>Lwg raeuz gwq ndaq coh,<br>Lwg vunz gwq lox gwq deuz.<p>Lungz gwn daengngoenz ok,<br>Haetcog fwn couh roengz;<br>Lungz gwn daengngoenz doek,<br>Raemx mboek roengz gyangdah.<p> M<br>Ma bi rieng,<br>Yiengz bi mumh.<p>Ma bieg caeg raemz,<br>Ma ndaem dwg dub.<p>Ma byom ninz gwnz cah,<br>Maih ngah goj mbouj gwn.<p>Ma byom gaen yiengz biz.<p>Ma dai maet caez dai.<p>Ma doxhaeb cix nyaeuq,<br>Vunz doxdaeuq cix hoj.<p>Ma doek dat mbouj lau gaz yoenq oen,<br>Vunz hag ndei mbouj lau gonq miz loek.<p>Ma lwg baengh meh raeuq,<br>Lwggyax baengh vunz bang.<p>Ma lwg baengh meh raeuq,<br>Meh dai saenznyaeunyaeu.<p>Ma mbouj ndaej caeuq meuz guh doih.<p>Ma mbouj rox dai ra faexgyaengh.<p>Ma mbouj yiemz cawj gungz,<br>Lwg mbouj yiemz meh couj.<p>Ma raeuq boux ndang vaih,<br>Vunz maij boux miz cienz.<p>Max buet ndaej vaiq <br>beij mbouj ndaej rumz ci vaiq,<br>Boux maenh’ak lij <br>liz mbouj ndaej gyoengqvunzlai.<p>Max gaenj mbouj ndaej haeuj singz.<p>Max geq roxnyinh loh gaeuq,<br>Duzbaeu mbouj rox byaij cingq.<p>Maxlaeuz dwk haij.<p>Max ndaej fad bien buet engq vaiq,<br>Siengj hawj lwg gvai naihsim gyauq cij baenz.<p>Max ndei bouxcawj maij,<br>Vunz ndei baengzyoux lai.<p>Maex ndiengq baengh gvan,<br>Lwg gyan vih boh.<p>Maenz ndi gvaq beg(loh),<br>Meg ndi gvaq cou(faen).<p>Maenz ngaenz sam ciengh laeg,<br>Ra yaek cix ndaej aeu.<p>Maenz yied reuq yied van,<br>Vunz yied gan(gik) yied iek.<p>Maeuz siuj ndaep daih.<p>Makdoengj caeuq makgam,<br>Gak aen van gak yiengh.<p>Makmoiz rim go aenaen soemj,<br>Makgoi go aen aenaen van.<p>Mak youq gwnz go,<br>Loh youq gwnz namh.<p>Maij mou ndi maij mok,<br>Maij rog ndi maij ranz.<p>Mbaet gwn mbaet daenj.<p>Mbaek dog mbouj baenz lae,<br>Faex dog mbouj baenz ndoeng.<p>Mbangj roeg rox heuh<br>mbouj rox cauh rongz,<br>Mbangj vunz gangj byangz<br>banh mbouj baenz saeh.<p>Mbei hung miz max gwih,<br>Mbei saeq ndwi haeux donq.<p>Mboenj gyu baenz non.<p>Mbouj byaij roen gyae gvaq,<br>Mbouj rox vax daengq nden.<p>Mbouj gangj gwn noh guk,<br>Rwz gaej nuk couh ndei.<p>Mbouj lau gungz,<br>Ceiq lau sim mbouj doengz.<p>Mbouj lau hag mbouj baenz, <br>Couh lau mbouj naihsim.<p>Mbouj lau leix mbouj hingz, <br>Couh lau sim mbouj cingq.<p>Mbouj lau mbwn bik,<br>Couh lau vunz gik.<p>Mbouj lau mbwn daeuj goeb,<br>Doxgiet it diuz sim.<p>Mbouj lau miz loekcak,<br>Couh lau loek mbouj gaij.<p>Mbouj lau miz saetbaih,<br>Couh lau sim doeknaiq.<p>Mbouj lau nyangz guk song sam duz,<br>Caenh lau vunz raeuz song sam sim.<p>Mbouj lau ndit lau fwn,<br>Couh miz gwn miz daenj.<p>Mbouj miz cai vunz ciengx faex,<br>Mix cai le faex ciengx vunz.<p>Mbouj raen meh bae haq,<br>Hix raen nax guh bawx.<p>Mbwn gvangq roeg guenj mbin,<br>Haij rim bya guenj bongh.<p>Mbwn rengx cix vih rumz,<br>Mbwn bumz cix vih fwj.<p>Mbwn rengx muengh fwn,<br>Mbwn bumz muengh nit<p>Meg cix miz song cin,<br>Vunz maz miz song ciuh.<p>Meuz bae cou,<br>Nou guh’angq.<p>Meuz gwn rum, fwn yaek roengz;<br>Meuz gwn raemx, mbwn rengx nanz.<p>Meuz gwn raemx ndit ndat,<br>Gaeq dak fwed fwn doek.<p>Meuz laux lij doek ringj,<br>Duzlingz lij doek dat.<p>Meuz miz seiz doek ringj,<br>Lingz miz seiz doek dat.<p>Meuz ninz nou guh’angq.<p>Meuz raen bya ndaej youq?<p>Miz bingh bae gouz saenz, <br>Bingh mbaeu dauq deng laemz.<p>Miz bingh bae siu yieng,<br>Fangz dawz bae engq bieng.<p>Miz cix gwn’guk,<br>Mbouj miz cix gwn goenq nduk.<p>Miz cix gwn’guk,<br>Mbouj miz cix henx goenq nduk<p>Miz couh baen boux naed,<br>Hoj couh gaet boux donq.<p>Miz ceiq mbouj lau cien leix gyae,<br>Fouz ceiq roengz lae lij naeuz hoj.<p>Miz denz ranz caemh rongh,<br>Mij denz ranz caemh rongh.<p>Miz gingq ndei ciuq naj,<br>Miz yah ndei siengliengz.<p>Miz gim caemh daej loengx,<br>Mbouj yungh bienqbaenz luengz.<p>Miz gwn baengh dinfwngz,<br>Gungzhoj gaej gvaiq mingh.<p>Miz gwn mbouj lumz gungz,<br>Miz yungh mbouj lumz hoj.<p>Miz haeux gaej luenh gwn,<br>Miz fwnz gaej luenh byaeu.<p>Miz haeux gaeq cix ma,<br>Miz bya meuz cix daeuj.<p>Miz leix gangj vahsaed,<br>Fouz leix gangj vahbyangz. <p>Miz loek gaej ienq mbwn,<br>Fouz gwn gaej ienq vunz.<p>Miz lwg aeu son,<br>Miz gwn aeu mbaet.<p>Miz meuz mbouj raen meuz dij cienz,<br>Fouz meuz cij ienq souh nou haih.<p>Miz yienz cien leix sim doxlienz,<br>Fouz yienz gek ciengz lumj gek haij.<p>Moed beuj ranz,<br>Fwn mbouj nanz.<p>Moed buen gya,dangh(ngwz) gvaq loh,<br>Fwn hung yaek daeuj doh. Moed buen gya,<br> Miz fwn raq.<br> <br> Moed daeh baenz rongz.<br> <br> Mou bak gaen mbouj lau mid.<br> <br> Mou lai mok saw,<br> Lwg lai meh haw.<br> <br> Moumeh gaej riu naj max raez.<br> <br> Mou sam gaen rox maj,<br> Gax haj gaen rox hed.<br> <br> Muengzcungq fwn doek raemx dumh rungh,<br> Muengzcungq fouz fwn feiz coemh rungh.<br> <br> Muengh lumj muengh meh bae haw ma.<br> <br> Mwhcin mbouj ndaem naz,<br> Seizhah ndaw mbung byouq.<br> <br> Mwngz mbouj caeuq gou naengh,<br> Mbouj rox daengz gou nden. <br> N<br> Naz mbouj laux gyaj laux.<br> <br> Naz mbouj ndaem couh nya,<br> Da mbouj gyaez couh vaih.<br> <br> Naj moh caeq bit youh caeq gaeq,<br> Mbouj beij lij lix bwnq gaemz souh.<br> <br> Naek baengh naq baenz loux,<br> Boux baengh boux baenz biengz. <br> <br> Naenz lai mbouj rox humz.<br> <br> Naengj et mbouj cug ngaiz nem fwngz.<br> <br> Naengh gwn bya loemq.<br> <br> Naengh gwn ninz gaet,<br> Mbouj rox haet lawz.<br> <br> Ndaq duzgaeq,<br> Baeh duznyaen.<br> <br> Ndaej byai fwngz siengj aeu goekgen.<br> <br> Ndaej gwn noh duznanx,<br> Rox canj geijlai ndoi;<br> Ndaej gwn gaiq noh moiz,<br> Rox coi geijlai vah.<br> <br> Ndaem biek mbouj gvaq cingmingz,<br> Ndaem hing mbouj gvaq goekhawx.<br> <br> Ndaem faex muengh baenz ndoeng,<br> Coih roen muengh vunz byaij.<br> <br> Ndaem va muengh va rang,<br> Viq rangz muengh baenz faex. <br> <br> Ndai rum ndi ciemz goek,<br> Beg dawz bwnh bae boek.<br> <br> Ndaij saeq laenz baenz cag,<br> Ndaej rag cien gaen naek.<br> <br> Ndaundeiq rim mbwn,<br> Mbouj beij aen ndwen dog rongh.<br> <br> Ndaw naz coq bwnh lai,<br> Haeux cix fag daengz byai.<br> <br> Ndaw hoz miz haex.<br> <br> Ndawlab ndit bengz,<br> Bouxhoj rengz cienh.<br> <br> Ndaw ranz miz ngaiz naengj,<br> Youh siengj faengx gwnz haw.<br> <br> Ndi sij roengz dah,<br> Nanz ra ndaej sae.<br> <br> Ndiengq doiq aeu raen haeux,<br> Haq lwg aeu raen gwiz.<br> <br> Ndit mbouj ndat lumj feiz,<br> Beix mbouj ndei lumj meh.<br> <br> Ndit ndat mbouj lumj feiz,<br> Mauh ndei mbouj lumj liengj.<br> <br> Ndit yied dak yied sauj,<br> Vunz yied laux yied gvai.<br> <br> Ndo mbouj baenz vaih ndwq.<br> <br> Ndok raek mbouj hawj naeng boed.<br> <br> Ndwenlab gaenx hwnq caeux,<br> Seizhah haeux rim cang.<br> <br> Ndwenlab sam gaen fwnz raeuj gaen raemx,<br> Samnyied gaen fwnz raeuj sam gaen raemx.<br> <br> Ngah mbouj gaj gaeqmeh,<br> Iek mbouj gwn haeuxceh.<br> <br> Ngeih sam nyied souh maet,<br> Loeg caet nyied souh nyungz.<br> <br> Ngoemx hix dwg fagcax,<br> Bax hix dwg bouxvunz.<br> <br> Ngoemz ci rumz doeng,<br> Fwh doek sam ngoenz.<br> <br> Ngoenzcin byaj maenj rengx bak ngoenz.<br> <br> Ngoenzgonq gangj bae ging,<br> Ngoenzlaeng ninz mbouj hwnj.<br> <br> Ngoenz mbaet gwn saek gaemz,<br> Sam bi baenz bak daeuj.<br> <br> Ngwzhau ok congh.<br> <br> Ninz gwnz rin byoq ndit,<br> Ngoenz raeuj hwnz deng nit.<br> <br> Ninz laep hwnq caeux haeux rim cang,<br> Hwnq gyang laeuzlangh gyangz dungx iek.<br> <br> Nit mbouj ciengj buhgoeb,<br> Iek mbouj caeg vunz gwn.<br> <br> Niuj gyaq congz ok raemx.<br> <br> Noix rong nanz suek faengx,<br> Noix raemx nanz guh ceiz.<br> <br> Nou daeq meuz miz lwg.<br> <br> Nou gaet cag meuz.<br> <br> Nou haeb nou cix raeg,<br> Caeg gaj caeg heih dai.<br> <br> Nou mbouj rox dai gaet cag meuz.<br> <br> Nou roengz gang deng dai,<br> Vunz simlai vaih ciuh.<br> <br> Nyaeb sip haeuj rwz,<br> Gaeb ngwz haeuj ndang.<br> <br> Nyaen deuz cij dwk naq,<br> Roeg gvaq cij bengq gung.<br> <br> Nyaenx bak mbouj dawz caiq,<br> Nyaenx heiq gya mbouj baih.<br> <br> Nyinh ngux nyinh loeg,<br> Gak yiengh sou cuk.<br> <br> Nye gwnz raek miz nye laj daix,<br> Buhrog vaih miz buhndaw dangj.<br> <br> Nyienh gwn myaiz duzguk,<br> Mbouj gwn mug duznyaen.<br> <br> Nyienh ndwn dwk dai,<br> Mbouj nai dwk lix.<br> <br> Nywj seng reih bouxgik,<br> Haeux maj naz bouxgaenx.<br> <br> O<br> Oenciq ndaw boengz.<br> <br> Oet cienz mbouj dwg gyaez,<br> Son leix cij dwg caen.<br> <br> Ok dou baengh baengzyoux,<br> Youq ranz baengh bohmeh.<br> <br> Ok loh mbouj daiq ranz,<br> Bungz nanz baengh vunz bang.<br> <br> Ok roet hawj ma maengx.<br> <br> Ok rog danh raek cax,<br> Lau ndaej gaj fangzsieng;<br> Ok rog danh raek rieng,<br> Lau youh nyangz bya laux.<br> <br> Ok loh dongx sing “go”,<br> Byaij loh noix heux bo.<br> <br> Oij raek hoh nanz dam,<br> Rangz raek hoh nanz swnj.<br> <br> R<br> Raed genbuh fong mbaq,<br> Raed dinvaq fong dangz. <br> <br> Raemj faex roeb dwg rumz,<br> Buh dumz deng fwn rwed. <br> <br> Raemxfwn gyonj roengz haij,<br> Fanh daih mbouj rox hawq.<br> <br> Raemx hawq bya yienh.<br> <br> Raemx hwnj ruz caemh hwnj,<br> Ngwz hung congh caemh hung.<br> <br> Raemx hwnj ruz sang,<br> Fwnz lai feiz vuengh.<br> <br> Raemx mboek raen rin,<br> Raemx dinj(feuh) raen bya.<br> <br> Raemx mbouj cung mbouj saw,<br> Vunz mbouj naeuz mbouj rox. <br> <br> Raemx mued mbouj gvaq ruz, <br> Fwngz cw mbouj gvaq dah.<br> <br> Raemx yiemhranz ndik roq ranz. <br> <br> Raen bya mbouj gaeb bae gip sae, <br> Ndaw saez mbouj goq goq ndaw dah.<br> <br> Raen dawz gei ciq haeux, <br> Ndi vid daeux ciq saw.<br> <br> Raen vah cix rox boiz, <br> Raen vah cix rox hoiz.<br> <br> Raen nywj ngeix daengz vaiz, <br> Raen ngaiz ngeix daengz lwg.<br> <br> Raeuj mbouj gvaq feiz,<br> Ndei mbouj gvaq meh.<br> <br> Raix haeux youh mboengj yaenz, <br> Cungj mbouj lw saek naed.<br> <br> Raih haenz naz doxbungz.<br> <br> Rangz biu sang baenz faex,<br> Raemx lae gye baenz dah.<br> <br> Ranz cib duz vaizdon,<br> Mbouj guh hong hiengh byouq.<br> <br> Ranz maz ranz mbouj roh,<br> Boh maz boh mbouj dai.<br> <br> Ranz miz cib gogyaeuq,<br> Mbouj you cienz gyu youz.<br> <br> Ranz roh raed fwn doek,<br> Ruz boek youh youh roeb rumz. <br> <br> Ranz roh deng fwn doek,<br> Ruz boek deng rumz raq.<br> <br> Rap bwnh haeuj,<br> Rap haeux ok.<br> <br> Rek ndaem bungz hek, <br> Vaq sek bungz doengz. <br> <br> Rengx sam bi dai mbouj daengz duzbyaj,<br> Rengx haj bi dai mbouj daengz dezngieg.<br> <br> Rieng max dozcug.<br> <br> Rinbaenz youq doiqnaj,<br> Gik muz cax caemh ngoemx. <br> <br> Rinbaenz youq doiqnaj,<br> Gik baenz cax hix myaex. <br> <br> Riu mong mbouj riu meh fong.<br> <br> Rox cix naep hwet,<br> Mbouj rox cix rim gwed.<br> <br> Rox couh mbaeu baenz ceij,<br> Mbouj rox naek baenz rin.<br> <br> Rox mbaet rox yungh,<br> Lumj rinluenx laj fai.<br> <br> Rox mbaet rox yungh,<br> Haeux cienz fanh loengx.<br> <br> Roeb vunz mbouj doxdongx,<br> Bouxlaux lumj lwgnyez.<br> <br> Roeg dam gwn heih dai,<br> Vunz dam caiz haih mingh.<br> <br> Roeglaej bak bi,<br> Baezbaez baenz de.<br> <br> Roeglaej gwn raemx daemz. <br> <br> Roeglaej gwn raemxdaemz mbouj mboek,<br> Nyengznyaen haeb din vaiz mbouj in.<br> <br> Roeg mbin coh dieg rongh,<br> Vunz bongh coh vuen yungz.<br> <br> Roeg mbin sang mbouj miz noh,<br> Vunz gangjboq mbouj miz caiz. <br> <br> Roeg mbouj miz fwed nanz mbin,<br> Vunz sim mbouj ndei nanz byaij.<br> <br> Roen youq ndaw bak,<br> Mak youq gwnz go.<br> <br> Roengz raemx doxbaeuh,<br> Baenzlawz mbouj mbaeq.<br> <br> Rom couh lai, <br> Mbai cix noix.<br> <br> Ronghndwen dawz liengj ciengx vunz gik,<br> Daengngoenz dawz liengj cik vunz dai.<br> <br> Ronghndwen gang liengj fwn cix doek,<br> Ronghndwen daenj gyaep mbwn cix rengx.<br> <br> Ronghndwen rongh cix rongh,<br> Mbouj ndongq beij daengngoenz.<br> <br> Rwznuk euq vang,<br> Dafangz euq raeh.<br> <br> Rwi mbouj liz va,<br> Bya mbouj liz raemx.<br> <br> Rwi ndi douh oenmeuz,<br> Roeg ndi ciuz va doek.<br> <br> Rwi ndi ciuz va doek,<br> Roeg ndi ciuz oenmeuz.<p>——————摘自[壮侗语言文化网] : 经典不可尘封啊。
页:
[1]