[原创] Gangj Dieg Cuengh Ginghsiq (2)
<P><FONT face="Times New Roman" size=5> Fwen sae guh siqcangz </FONT></P><P><FONT face="Times New Roman" size=5> </FONT></P>
<P><FONT face="Times New Roman" size=5> Dawz fwen ciengz bae gai baij dwg hwng vuengh diegcuengh ginghsiq yiengh ndei ban fap ndeu !</FONT></P>
<P><FONT face="Times New Roman" size=5> Vih dawz diegcuengh ginghsiq guh hwng guh vuengh ,daez sang diegcuengh vunzcuengh youq siqcangz ndaw de gaicawx nauhyied caeuq vunz caeuq vunz cienz ngaenz dox gaiq dox vuenh ndaej lai , youq siqcangz ndaw de caux fwenciengz yiu comz beix nuengx dwg bouh comz vunz raeuz yiengh ndei ban fap ndeu ,dawz vunz raeuz vwnz vaq ,vunz sai mbauq raeuz ,vunz sau gyaeu raeuz baij hwnj gai bae ,hawj daengx caeh gaih vunz hek caez gya ndaej haengj daeuj dieg cuengh ok cienz sawj cienz guh caemz ceh ,dwg hwng vuengh diegcuengh gingh siq yiengh ndei ban fap ndeu ! </FONT></P>
<P><FONT face="Times New Roman" size=5> Baenz lawz guh ndei fwen sae siqcangz vwnzvaq ne ? Daeg viz mbanj vuengz yiengh guh fap couh wng dang ndaej daengz daih gya bae hag guh !</FONT></P>
<P><FONT face="Times New Roman" size=5> Daeg viz mbanj vuengz ,bi neix ndaej ngeih cib bi lo , bi gvaq daj Gvangj sih goh souj ban bizyez le couh faen bae ma bonj dieg ndaw cinq dang vwnzvaq gan buq , guh hwng vuengh bonj dieg vwnz vaq saeh nieb dwg hangh hong naek de ,youq giz dieg de ,haw vuengz dwg aen haw ceiq hung ndeu ,hoeng aen vih souh swhyienz diuz genq hamhcaeh ,aen haw miz gai mbouj miz vunz ,Ngoenz haw gai cawx fwzrijrij , siqcangz gaicawx mbouj hwngvuengh geij lai , aen cinq cwngfuj couh hwnj baij youq henz de .Daeg viz ngamq hwnj ban couh bae caeuq Cinqcangj gangj : Vwnz vaq baenz lawz ndaej bang Cinqcangj dawz diegcuengh gingh siq guh hwng vuengh hwnj daeuj ne ? It dwg souj sien daw z guh daj veh laj mbanj hwngvuengh mbe fat gveih vaq guh ndei , douz cienz an baiz gak mbanj guh ndei daj ndaem daj doq daj ciengx ,an baiz vunz ndaw mbanj dawz vunz ndaej hoengq haenx cuj ciz baenz bang daj caep ,bang guh lingz hong ,bang daj doq ,cuj ciz boux coengmingz uk ngvanh gvai haenx bae bang ndaw mbanj guh ngvanh guh veh , caux guh ok gak yiengh ngamj caez gya sawj yungh gak yiengh dox gaiq ,yienz houh ,caiq guh fwen haw comz gyoengq de dawz dox gaiq bae haw guh dox gyau louz guh dox vuenh guh dox gai cawx ! Vih liux guh nauh yied ndei aen siqcangz ,comz ndaej gyae gaenh vunz soq lai daeuj youz yawj gai cawx dox vuenh sawj cienz ,gou bae cuj ciz gyoengq eu fwen ak haenx youq ndaw sicangz baij fwen daiz , cujciz gyoengq cangh fwen aeu fwen sae guh dox gung dox dwk ,hawj vunz raeuz ndaej daj fwen sae ndaw de rox fap rox leix , Dang naeuz guh aen sicangz raeuz ndaej baenz haw , cinq cwngfuj sou cienz ceiq couh sou ndaej lai ,gou gouz cinqcwngq fuj hai di siqcangz mbe fat cienz hawj gou ,hawj gou bae guh hen hoh caeuq guh hwng vunz cuengh fwen sae vwnz vaq ! Goeng cinq cangj dingq de gangj miz dauh leix ,couh dap wngq de ,hawj Daeg viz bae cujciz Fwenciengz vwnzvaq ciet moeg ! Guh hwng diegcuengh vunzcuengh siqcangz !</FONT></P>
<P><FONT face="Times New Roman" size=5> Daeg viz loengh doeng goeng Cincangj le ,couh gag bae guh yiengh hong bonj faenh lo ,de souj sien bae ciq aen dan ci ,dawz aen gyaep mauh ,beq aen huz raemx ,dawz bit naep aek ,soed bonj sawgeiq , ban haet mbwn ngamq rongh couh ok dou caijci dekdek roengz mbanj ra gyoeng cangh fwen ! Bae laj mbanj ,sien bae ra mbanj gyaeuj , ra vunz laux ,cam yawj byawz eu fwen miz mingz ,guh fwen ndaej ndei . Miz ngoenz deu ,de bae daengz mbanj Buen ,byongh roen dingq naeuz aen mbanj Buen seiq deiq ranz Cieng caeuq haj deiq ranz Leix dox ceng dox hoenx ,dai bae song daeg haux seng sieng baen cib lai vunz , Cinq baiqcuzsoj cingq youq giz haenx gek leix ,Daeg viz couh ganj bae daengz giz haenx , yawj dwg gij maz saeh ? </FONT></P>
<P><FONT face="Times New Roman" size=5> Yienz laiz , dwg vih dieg moh dox ceng , seiq deiq ranz cieng baih laeng mbanj dwg haj deiq ranz Leix ,song aen mbanj miz diuz roen gvangq rad gvaq song gyang mbanj ,haj deiq ok rog bae haw aeu byaij gvaq seiq deiq dieg ranz Cieng , byoz ranz Cieng caeuq byoz ranz Leix cungqgan miz ngongq ndoi daemq saek song bak mij raez ndeu dox gek , ngongq doi haenx dwg raeh gyoengq ranz Cieng , aen vih mbouj miz raemx ,mbouj ndaem baenz gij maz dox gaiq ,bienq vut hoengq ,daj doengh baez roengz daeuj ,couh bienq baenz ranz cieng caeuq ranz Leix song aen mbanj hauxseng eu fwen dox damz giz dieg fueng ! Geij bi neix daeuj ,Vunz mbanj Cieng saenq goeng yawj deihleix naeuz ,youq ngongq ndoi haenx haem vunz dai guh moh ,ndaej hawj ndaw mbanj ndaej hwng fouq maenh ak ,yiengh neix , gaenh geij bi daeuj ,vunz ranz Cieng miz vunz dai le couh dawz dieg ndoi haenx ma guh dieg moh ! Haj deiq ranz Leix caemh dingq cangh sien hangx aq naeuz ,aen mbanj Leix gungz ndangj , mwt heiq ,couh dwg gyoengq ranz cieng youq bak naj mbanj Leix haem vunz dai daiq daeuj di ,caiq gya mbanj Leix gyoengq de lienz daeb geij ngoenz duz geiq dai raq , baenz mbanj geiq hung geiq iq yaek dai caez ,yiengh neix ,vah mehsien vah goeng yawj deihleix couh gik hawj song aen mbanj neix fat dox ceng bienq baenz dox aeu fag sabaz fag gvak fag liemz faex hanz dox hoenx ,song aen mbanj beixnuengx cungj deng dai boux ndeu caiq deng sieng cib lai vunz ! ( Mbouj caengz sat )</FONT></P>
<P><FONT face="Times New Roman" size=5> </FONT></P>
<P><FONT face="Times New Roman" size=5> </FONT></P>
<P><FONT face="Times New Roman" size=5> </FONT></P>
<P><FONT face="Times New Roman" size=5> </FONT></P>
页:
[1]