[原创] Caeuq Aiqlaenz Gwn Ringz Gvaq CwngqDanq
<P><FONT size=4> Ngoenz neix dwg ngoenz ciet nauhyied vunz gyoengq vaihguek ! Dingq naeuz gij yawj naek lumj beij raeuz gvaq ciet ndwen cieng ! Dingq meh gou gangj , lwg dah heiz nuengx byauj yaek haq laeng boux Yinghgoz vunz ndeu ,gaenq daenghgiq ndei banh ndei ok guek gak bonj cwngqgenq ,yaek youq yienzdanq cingj raeuz gwn donq louj le couh yaek bae ma Yinghgoz . Gou dingq daengz yiengh siusik neix houh ,couh doq caeuq dah nuengx byauj guh dienq vaq damz vah ,baez cam ,caen dwg ! Gou caeuq dah nuengx byauj nanz mbouj raen naj lo ,yiengh neix gou gietdingh youq ngoenz neix bae laeng de guh caemz ceh ,gangjgangj goj !</FONT></P><P><FONT size=4> Ban haet daih caeux ,gou hwnj daeuj gwn ngaiz lex couh doq dap ci daengz namz ningz ,<FONT face="Times New Roman">bae</FONT> daengz laeng dah nuengx byauj co youq aen louz haenx ,dah nuengx byauj roengz louz daeuj ciep gou !</FONT></P>
<P><FONT size=4> Dah nuengx byauj gou naeuz ,de co youq aen louz ranz neix moix ndwen haj bak maenz , de yienz lai dw guh daj caep hong gaiq sengeiq , ndaej di cienz ! Bi gvaq de hwnj muengx rox naj ndaej daeg Yinghgoz vunz ndeu , damz vah lex dox haengj ,yiengh neix ,daeg Yinghgoz neix couh daeuj Namzningz caeuq de raen naj ,doq dox gyaez gap guh gvan baz , gaenq daenghgiq ndaej byongh bi lo !</FONT></P>
<P><FONT size=4> Gou cingq yaek cam goeng Yinghgoz vunz gij cingz gvangq ,cingq ngamj ,Miz daeg vunz vaih guek ndaeng ngou byoem henj ndeu daj ndaw fungh ninz byaij ok daeuj ,raen gou doq yiet fwngz doq gaem fwngz doq naeuz : Hau aer you ? Gou caemh gaen gangj : Hauq aer you ! Goeng Vunz yinghgoz neix coh heuh Aiqlaenz , Dwg Vunz Yinghgoz ,youq Aiqwjlanz guh hong ,</FONT></P>
<P><FONT size=4> Doeng gvaq dah nuengx byauj guh fan hoiz ,yiengh neix gou couh caeuq Aiq laenz guh damz vah hwnj daeuj , gou caeuq dah nuengx aeu Vah mbanj gangj ,Dah nuengx gou couh dawz gij ei sei vahcuengh fan hoiz baenz vah Yinghgoz , fan hoiz yienz naeuz miz di nanz ,hoeng cungj suenq gij ei sei ndaej hoiz ndaej gvaq ma ! Gangj dawz nyaenx le ,caez gya couh it heij hwnj gai aen diemq Sihcanh cawx gahfeih caeuq bingj Bijsaz gwn ,doq gwn doq gangj ! Gig dawz nyaenx . Daj ban ngoenz cib ngeih diemj cung gangj daengz ban haemh Seiq diemj cung cij gangj daengz vah dox biek , baiqbaiq !!</FONT></P>
<P><FONT size=4> Gou aeu Sawcuengh dawz ngoenz neix caeuq vunz vaih guek aeu Vahcuengh caeuq Vah yinghgoz dox gyau louz gij saed geiq roengz ma ! Naeuz hawj vunz raeuz nyi , Vah cuengh caemh ndaej caeuq vah vaih guek dox gyai louz ,hoeng aeu doeng gvaq fanhoiz cij ndaej dox ro ! </FONT></P>
<P><FONT size=4></FONT> </P>
<P><FONT size=4></FONT> </P>
<P><FONT size=4> </FONT></P>
<P><FONT size=4> </FONT></P>
<P><FONT size=4></FONT> </P> <P> Seiz neix ,dah nuengx byauj gou gaenq bae Aiqwjlanz dingh youq lo ,de daj denvaq ma naeuz ,ngamq daengz giz haenx couh aeu bae guh hong lo,de youq giz haenx miz hong cangj guh ,dwng youq aen cangj guh gyu haenx guh hong ,moix aen cung diemj ndaej caet diemj haj maenz Inghbangq ,it maenz Inghbangq seiz neix dingx ndaej 14 maenz Yinzminzbiq ,de seiz neix yaek lai rag geij dah sau raeuz bae haq daengz giz haenx caeuq de guh buenx ,hoeng ,lwg sau raeuz aeu youh gyaeu youh rox gangj vah Yinghgoz cij ndaej baenz saeh !</P>
<P> Beix nuengx raeuz miz byawz haengj haq giz haenx ? Caemh ndaej caeuq gou gangj ,gou hawj dah nuengx byauj bang guh moiz !</P>
<P> </P>
页:
[1]